قصيدة اعتذر لك

قصيدة اعتذر لك



جيت أعتذر لك والندم يعتصرني
جيتك وقلبي جاك ويسابق خطاي
أما بعد ماجاك مني تعذرني
ولا بروح وبآخذ الجرح وياي
زلة لسان ودام حظي غدرني
خلك كبير وطفي النار بحشاي
لأنك بعد ماأقفيت شيءٍ غمرني
جلست أسآل خافقي شالذي جاي
والخوف إني أخسرك وتخسرني
خلاني أوصل عند بابك بممشاي
وش هـي حياتي لو غرامك هجرني
وإنت الهوى للروح ولعروقي الماي
لأني خطيت كثير قلبي أمرني
إني أتبعك وأجيك ياغاية مناي
وتصدق على لقياك محدٍ جبرني
لأني بدونك إنت ماأعيش دنياي

مشكوووورة على الجهود

مشكووووووووووووووووووووووووووورة

يسلمووووووووو